Çifuti e gjeti lehtësimin në Islam

Amerikani Aaron Siebert-Llera asnjëherë nuk e ka marrë Islamin
seriozisht, në kohën kur ai ia nisi së pari kërkimin e tij shpirtëror.
Por, përfundimisht ai gjeti në besimin Islam të gjitha llojet e
jetës së disiplinuar për të cilët ka qenë në kërkim.
"Me këtë rast unë kam ndjerë sikur kam gjetur një shtëpi ku mund të
vendosë të gjitha moralet, idealet e mia, mënyrën e jetës që e jetoja."
Siebert-Llera i tha gazetës Sun – Times të Qikagos , me 14 Shator.


Aaron Siebert-Llera (në të djatht)

Siebert-Llera është lindur nga babai çifut amerikan dhe nga nëna
romano katolike amerikane. Ai lutej duke vendosur Yllin e Davidit në disa
ditë dhe duke vendosur kryqin në ditët tjera. Por 31 vjeçari asnjëherë
nuk e gjeti atë gjënë "e brendshme" për të cilën ishte në kërkim.
Pastaj erdhi ngjarja e 11 shtatorit, duke ndryshuar kursin e jetës së tij.
Ai filloi të lexonte rreth Islamit, duke ditur të dallonte pa problem
ndërmjet ekstremistëve që e kidnapuan aeroplanin dhe shumicës së
muslimanëve.

Ai poashtu bleu një kopje të Kur'anit Fisnik, duke hulumtuar nëpër faqet
e librit për të gjetur atë që thoshin disa se ka predikim të terrorizmit,
por ato nuk i gjeti.
Pas dy vitesh në Çikago erdh deri te pika kthesë në jetën e tij.
Ai takoi një femër meksikano–amerikane në Lojola ku i ndiqte studimet.
Pas konvertimit të saj ajo e vendosi hixhabin. " Unë definitivisht pashë
ndryshime tek ajo, si shenja komforti dhe një shkallë e dukshme
lumturie. Ajo fitoi lehtësi në jetën e saj." tha Siebert-Llera. Pas kësaj
Siebert-Llera filloi të mendoj më seriozisht rreth Islamit, vizitoi Xhaminë
në Bridgeview, në Illinois, ku mësoi parimet e Islamit si namazi, zekati
dhe haxhi. Në vitin 2004 e pranoi Islamin, dhe filloi ti falë pesë kohët e
namazit dhe ta agjërojë Ramazanin.

Njeriu i njëjtë
Siebert-Llera i humbi shumë nga shokët e tij pas konvertimit të tij në
Islam.
Familja e tij poashtu mendonin se konvertimi atë do ta kthente në
terrorist. Por, ai asnjëherë nuk u dekurajua. "I thashë babës: unë nuk
do të bëhem Taliban dhe të shkoj në Afganistan". "Unë do të mbes ai
që jam". Siebert-Llera beson se familja e tij ka pranuar pa problem
konvertimin e tij në Islam.
Në kohën e çeljes së iftarit të Ramazanit të tij të parë të enjten, me 13
shtator, Siebert-Llera pranoi një thirrje telefonike nga nëna e tij duke ia
uruar Ramazanin.
Ai është duke e mbajtur telefonin mobil ende në dorë, duke pritur të
njëjtën gjë edhe nga babai dhe motra. E din që do ta thirrin.

Nga IOL
Përktheu: Kadër Vogël