Blackwater ka vrarë 17 civilë në Bagdad

Blackwater ka vrarë 17 civilë në Bagdad



Hetimi zyrtar irakian për incidentin me armë që përfshin oficerë të

sigurisë të kompanisë private amerikane Blackwater u botua

ditën e hënë.







Ky është hetimi zyrtar i qeverisë irakiane lidhur me atë që ndodhi kur

rojet e armatosura të punësuara nga kompania private amerikane

Blackwater, hapën zjarr në sheshin kryesor të Bagdadit muajin e kaluar.



Rojet pretendojnë se mbi ta u hap zjarr përpara se ata të qëllonin.



Por raporti zbuloi se rojet nga kompania e sigurisë, e cila ka kontratë për

të mbrojtur zyrtarë të Departamentit të Shtetit në Irak, nuk kanë qënë

në shënjestër të ndonjë sulmi.



Në raport thuhet se numri i irakianëve të vrarë ishte 17, gjashtë më

shumë se sa u tregua nga një hetim i mëparshëm. Ndërsa numri i të

plagosurve ishte 33.



Raporti thotë se incidenti me armë përbën krim dhe personat e përfshirë

duhet të dalin para gjyqit.



Incidenti ka qënë në vëmendje edhe të seancave dëgjimore para

kongresit amerikan dhe faktet në raportin e ri të qeverisë irakiane do të

shqyrtohen nga një komision i përbashkët.



Pala irakiane është shumë e shqetësuar përsa i takon kompanive private

si Blackwater, të cilave sipas saj nuk u duhet dhënë detyra për të

mbrojtur zyrtarët në Irak.



Çështja e dhënies së kontratave të tilla është e politikisht e

diskutueshme edhe në SHBA.



mesazhi.com