I'tikafi

I'tikafi



1. Fjala i'tikaf sipas sheriatit Islam d.m.th., qëndrimi në xhami me qëllim ofrimi tek Allahu.



2. Dijetrët janë të mendimit se i'tikafi është prej çeshtjeve të
sheriatit, për arsye se Pejgamberi a.s. ka bërë i'tikaf në dhjetë ditët
e fundit të Ramazanit, derisa ka vdekur e pas tij kanë bërë i'tikaf
grat e tij. (Muttefekun alejhi).



3. Llojet e i'tikafit - i'tikafi ndahet në dy lloje: vaxhib (i detyruar) dhe i caktuar.

a. I'tikafi vaxhib është ai lloj i i'tikafit, për të cilin është zotuar personi se do ta kryejë.

b. I'tikafi i caktuar është ai lloj i i'tikafit, të cilin personi e
kryen në mënyrë vullnetare (nafile), me qëllim ofrimi tek Allahu
xh.sh., pasim të sunnetit të Pejgamberit a.s., dhe kjo vërtetohet në
dhjet ditët e fundit të Ramazanit.



4. Koha e i'tikafit - Pejgamberi a.s. nëse ka dëshiruar të
bëjë i'tikaf së pari e ka falur namazin e sabahut, pastaj ka hyrë në
vendin ku e ka bërë i'tikafin (Muttefekun alejhi). D.m.th. pas namazit
të sabahut në ditën e njëzet të Ramazanit. Poashtu transmetohet se
Pejgamberi a.s. ka bërë i'tikaf edhe në dhjet ditët e fundit të muajit
Sheval (Muttefekun alejhi).



5. Kushtet për atë që bënë i'tikaf - Duhet që të jetë i pastërt prej xhunubllëkut (papastërtisë) dhe prej menstruacioneve (hajzit dhe nifasit).



6. Shtyllat e i'tikafit - prej shtyllave të i'tikafit është qëndrimi në xhami me qëllim ofrimi tek Allahu xh.sh.



7. C'ka lejohet për personin i cili bënë i'tikaf? Lejohet për personin që bënë i'tikaf çka vijon:

- Dalja nga vendi ku është duke bërë i'tikaf për përshëndetjen e familjes së tij.

- Zbukurimi dhe krehja e flokëve, prerja e thonjëve, pastrimi i trupit dhe veshja e rrobeve më të mira.

- Dalja nga xhamia për gjëra të domosdoshme si: nevoja personale,
ushqimi, pierja nëse nuk ka kush për t'ia sjellur deri në xhami.

- Gjithashtu prej gjërave të lejuara për personin, i cili bënë i'tikaf
është ngrënja, pierja, dhe fjetja në xhami, por duhet pasur kujdesë në
ruajtjen e pastërtisë dhe ruajtjen e moralit të tij.



8. Rregullat e i'tikafit - Transmetohet nga Aishja r.a., e
cila ka thënë: "Sunnet është gjatë i'tikafitqë personi, i cili është
duke bërë i'tikaf, të mos dalë prej xhamisë përveç për nevoja të
domosdoshme, mos të kthehet i sëmur, mos ta prek gruan e tij dhe mos
t'i ofrohet asaj. Dijetarët e Ehli-Sunetit janë të mendimit se nuk
bëhet i'tikaf askund tjetër përveç në xhami, dhe poshtu janë të
mendimit se ai, i cili bënë i'tikaf duhet edhe të agjëroj. (Sahih
transmeton Bejhekiu)



9. C'ka e prishë i'tikafin - I'tikafin e prishë:
mardhëniet intime, dalja prej xhamisë me qëllim pa pasur nevojë, humbja
e mendjes qoftë me alkool apo me diç tjetër.



Muhamed bin Xhemijl ZEJNO

Përktheu:

Lulzim Murseli



http://www.ankebut.com