Hadithe mbi xhihadin nga SahihulBuhari

Rëndësia e xhihadit dhe e ekspeditave



Fjalët e All-llahut të lartmadhëruar:“All-llahu,
me të vërtetë, ka blerë nga besimtarët e vet trupin dhe pasurinë e
tyre, për t’ua dhuruar Xhennetin atyre. Ata luftojnë në rrugën e
All-llahut, vrasin dhe vriten, (ky është) premtimi i Tij i vërtetë në
Teurat, Inxhil dhe Kur’an. E kush është më konsekuent se All-llahu në
Premtim? Andaj, gëzohuni kësaj shitjeje të juaj, që e keni kontraktuar
me Te…” dhe gjer në fund të fjalëve të Tij: “Përgëzoi, pra besimtarët”.





2782. “Abdullah b. Mes’udi thotë:



- E kam pyetur Pejgamberin s.a.s.v.: O, Resulullah, cilët punë janë më të mira?



- Namazi (i falur) në kohën e tij – më është përgjigjur.



- Pastaj, cila? – e kam pyetur.



- Mirëbërësia ndaj prindërve – më tha.



- E pas saj, cila? – pyeta.



- Lufta në rrugën e All-llahut – tha (Resulullahu a.s.).



Atëherë, heshta para Pejgamberit s.a.v.s., e po të kisha vazhduar me pyetje, ai do të më përgjigjej në pyetjet e mia.



2783. Ibën Abbasi r.a., thotë se Pejgamberi s.a.v.s. me një rast ka thënë:



- Nuk ka shpërngulje (nga Mekkja) pas çlirimit të saj, por ka luftëra
(në emër të All-llahut) dhe nijet (vendime), andaj kur të ftoheni (që
të luftoni) përgjigjuni ftesës.



2785. Ebu Hurejra r.a. thotë:



- Erdhi një njeri te Pejgamberi s.a.v.s. dhe i tha:



- Udhëzomë në një punë e cila është e barabartë me xhihadin!



- Nuk ka punë të këtillë – iu përgjigj Resulullahu s.a.v.s.



- A mundesh ti që, kur luftëtari të niset për në luftë, të hysh në
xhaminë tënde, të falesh pa ndërprerë, të agjërosh dhe të mos hash
fare? – e pyeti ate.



- E kush është ai i cili mundet ta bëjë këtë? – pyeti ai.



Ebu Hurejra thotë: Lufëtarit (që lufton në rrugën e All-llahut) i
shkruhen vepra të mira edhe kur kali i tij kërcen në litarin (e tij).





Njeriu më i mirë është besimtari i cili lufton në rrugën e All-llahut



- duke (sakrifikuar) jetën dhe pasurinë e tij.





- All-llahu i Lartmadhëruar thotë:



“O besimtarë, a doni t’ju orientoj në një tregti, e cila ju shpëton nga
vuajtja e dhëmshme. Besoni në All-llahun dhe Pejgamberin e Tij, luftoni
në rrugën e All-llahut me pasurinë dhe trupin tuaj, kjo është më mirë
për ju, - nëse e dini. Ai do t’ua falë mëkatet tuaja dhe do t’u shpie
në Xhennet, ku rrjedhin lumenj, dhe në zambakë të bukur, në kopshte të
Adnit, ai është sukses i madh”.



2786. Ebu Seid El-Hudriu r.a., thotë:



- Njëri pyeti: “O Resulullah, cili është njeriu më i mirë?



- Besimtari i cili me jetën dhe pasurin e tij lufton në rrugën e All-llahut – iu përgjigj Resulullahu s.a.v.s.



- E pas tij? – e pyeti ai.



- Pastaj, besimtari i cili i frikohet All-llahut kur është në vështirësi dhe nuk i shqetëson njerëzit.



2787. Ebu Hurejra r.a. thotë: E kam dëgjuar Pejgamberin s.a.v.s. duke thënë:



- Luftëtari i cili lufton në rrugën e All-llahut e All-llahu më së miri
e di se kush është luftëtar në rrugën e tij – është i njëjtë me
agjëruesin i cili i lutet All-llahut pandërprerë. All-llahu ia ka
garantuar luftëtarit i cili lufton në rrugën e Tij, se do ta shtijë në
Xhennet, ose do ta kthejë në beteja të shëndoshë me shpërblimet e Tia,
ose me mall lufte.





Lutja e meshkujve dhe e femrave për të luftuar dhe për të rëndë dëshmorë (shehid) në rrugë të All-llahut





Umeri r.a. është lutur: Më dhuro O Zot, që të vritem shehid në qytetin e Pejgamberit Tënd.



2788, 2789. Enes b. Maliku, thotë:



- Pejgamberi s.a.v.s. kishte shkuar te Ummi Haremi, vajza e Milhanit
dhe ajo i ofroi ushqim. Ummi Haremi ishte e martuar me Ubade b.
Samittin. Pejgamberi hyri tek ajo, i ofroi ushqim për të ngrënë dhe ia
buburronte kokën e tij, në ndërkohë Pejgamberi s.a.v.s. flet, e pastaj
u zgjua i buzëqeshur.



- O Resulullah, ç’të bën të qeshesh? – pyeta – thotë Ummi Haremi,



- Disa nga ummeti im – tha ai – m’u paraqitën si luftëtarë, që luftojnë
në rrugën e All-llahut, duke lundruar nëpërmes detit, sikur mbretërit
në pallatet e tyre”, ose (ka thënë) nuk i kujtohet saktësisht Is-hakut:
“… që i përngjanin mbretërve në kolltuqet e tyre”.



- O Resulullah, - i thashë, thotë ajo. – Lute All-llahun që të më bëjë
një nga ata Atëherë, Pejgamberi s.a.v.s. u lut tek All-llahu për te, e
lëshoi kokën dhe prapë u zgjua i buzëqeshur.



- O Resulullah, ç’të bën të qeshesh? – e pyeta.



- Disa nga ummeti im – tha ai – m’u paraqitën si luftëtarë, që luftojnë në rrugën e All-llahut, ashtu siç tha edhe herën e parë.



- O Resulullah, - i thashë, thotë Ummi Harami – Lute All-llahun që të më radhitë në radhët e tyre!



- Ti je në radhët e tyre të para – u përgjigj ai.



Gjatë kohës së Muavi b. Ebu Sufjanit, u nis të udhëtojë nëpër det dhe,
duke dalur nga anija, u rrëzua nga mushka dhe vdiq (nga plagët).





Gradat e luftëtarëve që luftojnë në rrugën e All-llahut





2790. Ebi Hurejra thotë:



- Pejgamberi s.a.v.s. ka thënë: “Ai që beson në All-llahun dhe
Pejgamberin e Tij, fal namaz dhe agjëron ramazanin, ka të drejtë te
All-llahu të shpërblehet me Xhennet dhe është i barabartë me ate që ka
luftuar në rrugën e All-llahut, edhe pse ka qëndruar në vendlindje (me
arsye).



- O Resulullah, - i thanë të pranishmit – A ta gëzojmë (me te) njerëzimin?



Ai u tha: “Në Xhennet ka njëqind grada, të cilat All-llahu i ka
përgatitur për ata që luftojnë në rrugën e Tij, distanca në mes dy
gradave (të Xhennetit) është se ajo e Tokës dhe e Qiellit, kur të
luteni tek All-llahu, luteni Ate që t’u dhurojë Xhnnetin Firdevs, ngase
ai është Xhenneti më i mirë dhe Xhenneti më i lartë”.



- Mendoj se (thotë Jahja b. Salihu) edhe këtë e ka thënë: “E mbi te është Arshu-r-Rahman”.



Muhammed b. Fulejhi thotë se i ati i tij ka thënë: “… e mbi te është Arshu-r-Rahman dhe nga ai rrjedhin lumenjt e xhennetit”.



2791. Semuri thotë:



- Pejgamberi s.a.v.s. ka thënë: “Sonte (në gjumë) i kam parë dy njerëz
si erdhën më ngritën në një pemë, më futën në një shtëpi aq të bukur
dhe të vlefshëm saqë asnjëherë nuk kisha parë shtëpi më të bukur se
ajo”.



“Që të dy thanë se kjo shtëpi është shtëpi e shehidëve”.





Vajtja dhe kthimi nga rruga e All-llahut



Vendi sa gjysma e harkut? së ndonjërit prej jush në Xhennet.





2792. Enes b. Maliku r.a., thotë se Pejgamberi s.a.v.s. ka thënë:



“Vajtja në mëngjes në rrugën e All-llahut dhe kthimi në mbrëmje nga ajo, është më e vlefshme se e tërë bota dhe çka ka në te”.



2793. Ebu Hurejra r.a., thotë se Pejgamberi s.a.v.s. ka thënë:



- Vendi sa gjysma e harkut (të vetullës), në Xhennet është më i vlefshëm se bota në të cilën lind dhe perëndon Dielli”.



Gjithashtu ka thënë: Vajtja dhe kthimi në rrugë të All-llahut është më e vlefshme se bota prej ku lind dhe perëndon dielli.





Hurijet e xhennetit

2795. Enes b. Malikun, ka dëgjuar Pejgamberin s.a.v.s. duke thënë:



- Nuk ka njeri që vdes e që ka mirësinë e All-llahut, që të shpreh
dëshirë të kthehet në këtë botë, edhe në qoftë e tij e tërë bota dhe
çka ka në te, pos shehidit (që është vrarë në rrugën e All-llahut), kur
ta sheh shpërblimin që i takon, vetëm ai do të pranojë që të kthehet në
këtë botë, që të vritet përsëri (duke luftuar në rrugën e All-llahut).



2796. Gjithashtu e kam dëgjuar Enes b. Malikun (thotë Humejdi) duke
transmetuar nga Pejgamberi s.a.v.s., i cili ka thënë: “Një udhëtim në
mbrëmje ose në mëngjes në emër të All-llahut, është më i vlefshëm se e
tërë bota dhe çka ka në te, ose vendi sa gjysma e harkut në Xhennet,
ose vendi ku është i lidhur kamxhiku i tij, është më i vlefshëm se e
tërë bota dhe çka ka në te. Një grua, po të dilte nga banorët e
Xhennetit në këtë botë, do ta shëndrisë tërë botën dhe çka ka në te dhe
do ta mbushë me aromë, kurse shalli i saj, që e mban në kokë, është më
i vlefshëm se e tërë bota dhe çka ka në te.





Dëshira për të ra shehid (në rrugën e All-llahut xh. sh.)





2797. Ebu Hurejra thotë se e ka dëgjuar Pejgamberin s.a.v.s. duke
thënë: - Pasha Ate, në dorë të të cilit është jeta ime, po të mos ishin
disa nga besimtarët, të cilëve u vjen rëndë të mbeten pas meje, e unë
të mos gjej diç për t’i bartur ata, nuk do të mungoja nga asnjë aradhë
e cila lufton në rrugën e All-llahut. Pasha Ate në dorë të cilit është
jeta ime, dëshiroj të vritem (duke luftuar) në rrugën e All-llahut,
prapë të ringjallem dhe prapë të vritem, pastaj të ringjallem përsëri
dhe të vritem, pastaj prapë të ringjallem dhe të vritem përsëri.





Vlera e atij që vritet në rrugë të All-llahut dhe në të vdes ai është shehid





Fjalët e All-llahut të Lartmadhëruar janë:



“E, ai që lëshon vendlindjen në emër të All-llahut dhe Pejgamberit të
Tij, e në të e gjen vdekja, shpërblimin nga All-llahu e ka të sigurtë”.




“En-Nisa’:100”



2799,2800. Enes b. Maliku,na tregon nga tezja e tij Ummi Harami, vajza e Milhanit, e cila ka thënë:



- Një ditë Pejgamberi s.a.v.s. fjeti afër meje, u zgjua duke qeshur dhe e pyeta:



- ا’të bën të qeshesh?



- Disa nga ummeti im m’u paraqitën duke lundruar nëpër këtë det të
gjelbërt sikur mbretërit në pallatet e tyre – u përgjigj Pejgamberi
s.a.v.s.



- Lute All-llahun – i thashë – që të më bëjë njërin nga ata!



Ai e luti All-llahun për te dhe fjeti. Prapë iu paraqit si më parë e
Ummi Haremja i tha ashtu siç i tha edhe në herën e parë, ai prapë iu
përgjigj po sikur herën e parë.



Ajo i tha: - Lute All-llahun që të më bëjë njërin prej tyre!



E, ai i tha – Ti je një nga ata të parët.



2802. Xhundeb b. Sufjani, thotë se Pejgamberi s.a.v.s. ka qenë në një
betejë, në të cilën i është përgjakur gishti dhe me atë rast ka thënë:
“A ke përgjakur diç tjetër pos gishtit, - e, në rrugën e All-llahut
është shpërblimit të cilin do ta fitosh”.





Ai që plagoset në rrugën e All-llahut xh. sh.



2803. Ebu Hurejra r.a. thotë se Pejgamberi s.v.a.s. ka thënë:



- Pasha Ate, në duart të të cilit është jeta ime, kushdo që të plagoset
në rrugën e All-llahut – e, All-llahu më së miri e din se kush është në
rrugën e Tij – në Ditën e Gjykimit do të paraqitet me ngjyrën e gjakut
të shehidit dhe me erën e miskut (parfumit).



Fjalët e All-llahut të Lartmadhëruar



“… A po pritni ju për ne diç tjetër – por njërën prej dy të mirave?…” kurse lufta është fat që ndryshon.





2804. Na ka lajmëruar Abdullah b. Abbasi, se Ebu Sufjan b. Harbi i ka treguar se çka i ka thënë Herakli:



- Të pyeta, çfarë ka qenë lufta me te, e ti ke thënë se lufta është e paqëndrueshme dhe fat që ndryshon.



- Ashtu sprovohen Pejgamberët, e mbarimi i saj është në dobi të tyre.



E, fjalët e All-llahut, janë: “O, Besimtarë, përse flisni atë që nuk e
punoni? ثshtë neveri e madhe tek All-llahu të thonë atë që nuk e
punoni! Me të vërtetë, All-llahu i don ata që luftojnë në rrugën e Tij,
të radhitur si një godinë e lidhur fort”.



2808. Ebu Is-haku ka thënë:



- E kam dëgjuar Ebu Beraun r.a. duke thënë: Te Pejgamberi s.a.v.s.
erdhi një njeri i veshur (me rroba) të hekurta dhe tha: “O Resulullah,
dua që të luftoj dhe ta pranoj Islamin!



- Së pari pranoje Islamin e pastaj lufto! – i tha Resulullahu a.s.



E pranoi Islamin, pastaj luftoi dhe u vra (në luftë, duke luftua në
rrugën e All-llahut), andaj Pejgamberi s.a.v.s. tha: “Pak ka punuar,
por ka fituar shumë”.





Ai që lufton, që fjala e All-llahut të jetë më e larta





2810. Ebu Musa r.a. ka thënë:



- Te Pejgamberi s.a.v.s. erdhi një njeri dhe i tha: “Disa (nga
luftëtarët) luftojnë për plaçkë lufte, disa për popullaritet, e disa
për ta treguar trimërinë e tyre. Cili prej tyre është në rrugën e
All-llahut?



- Ai, i cili lufton që fjala e All-llahut të jetë më e larta
(ngadhnjimtare), ai është në rrugën e All-llahut – tha Resulullahu a.s.



2811. Abdurrahman b. Xhebri, thotë se Pejgamberi s.a.v.s. ka thënë:



“Këmbët e atij besimtari që janë pluhurosur në rrugën e All-llahut, nuk do të përfshihen me zjarr (të Xhehenemit)”.





Hija e engjëjve mbi shehidin





2816. Muhammed b. Munkedirin thotë se Xhabiri ka thënë:



- Babain tim, që ishte i masakruar e sollën te Pejgamberi s.a.v.s. dhe
e vendosën para tij. Atëherë, desha t’ua zbuloj fytyrën, por shokët më
ndaluan.



Pastaj u dëgjua një klithje, për të cilën thanë: “(Ajo është) vajza e Amrit, ose motra e Amrit”.



Më pastaj Resulullahu s.a.v.s. pyeti: “Pse qan?” gjegjësisht: “Mos qaj! Atij engjëjt me krahët e tyre i bëjnë hije pandërprerë”.



E kam pyetur (thotë Buhariu) Sadekatin: A përmenden në tekst të hadithit edhe fjalët: “…gjersa ta marrin”.





Dëshira e luftëtarit (që ka luftuar në rrugën e All-llahut) që të kthehet prapë në këtë botë





2817. Enes b. Maliku r.a. ka transmetuar nga Pejgamberi s.a.v.s. i cili ka thënë:



- Nuk ka njeri që hyn në Xhennet, që të shprehë dëshirë të kthehet në
këtë botë, edhe sikur t’i falej e tërë Toka dhe çka ka në te, pos
shehidit, i cili dëshiron të kthehet prapë në këtë botë dhe në te të
vritet edhe dhjetë herë, për hirë të nderit që i takon atij”.





Xhenneti është nën shkëlqimin e shpatave





Mugire b. Shu’be thotë:



- Pejgamberi s.a.v.s. na ka lajmëruar për shpalljen e Zotit tonë: “Ai
që vritet nga mesi i juaj, do të arrijë në Xhennet”. Umeri r.a. i tha
Pejgamberit s.a.v.s: “A, nuk janë dëshmorët tanë në Xhennet, kurse të
vrarët e tyre (mushrikëve) në Xhehennem?”



- Gjithsesi – tha Resulullahu a.s.



2818. Abdullah b. Ebu Evfi i ka shkruar atij (Umer b. Ubejdullahut) se Pejgamberi s.a.v.s. ka thënë:



- Dijeni se Xhenneti është nën hijen e shpatave!





Ai që dëshiron të ketë fëmijë, për të luftuar në rrugën e All-llahut





2819. Ebu Hurejra, r.a. thotë se Pejgamberi s.a.v.s. ka thënë:



- Sulejmani, djali i Davudit a.s. ka thënë: “Sonte do të flejë me
njëqind gra”, ose ka thënë: “Nëntëdhjetë e nëntë, dhe të gjitha ato (do
të lindin) nga një kalorës, të cilët do të luftojnë në rrugën e
All-llahut”.



Mirëpo, shoku i tij (meleku) i tha: Thuaj: “Dhashtë Zoti”, por ai nuk
tha: “Dashtë Zoti”, dhe nga të gjitha ato femra shtatzënë mbeti vetëm
një, e që edhe ajo lindi gjysëm njeri.



- Pasha Ate, në duart e të cilit është jeta ime, po të kishte thënë:
“Dhashtë Zoti” me siguri të gjithë ata (si kalorës) do të kishin
luftuar në rrugën e All-llahut.





Nga kush duhet kërkuar strehim nga frika





2822. Sa’di e mësonte të birin e tij, ashtu siç i mëson mësuesi fëmijët
të shkruajnë dhe i thoshte: Pejgamberi s.a.v.s. pas çdo namazi,
kërkonte strehim me këto fjalë: “O Zoti im, te Ju kërkoj strehim nga
frika, te Ju kërkoj strehim që të mos kthehem në jetën e drobitur, te
Ju kërkoj strehim nga tundimi i kësaj bote dhe te Ju kërkoj strehim nga
dënimi i varrit”.



2823. Enes b. Malikun r.a. thotë se Pejgamberi s.a.v.s. ka thënë: “O,
Zoti ynë, te Ju kërkoj strehim nga rraskapitja, përtacia, frika dhe
pleqëria! Dhe te Ju kërkoj strehim nga tundimi i jetës dhe i vdekjes,
dhe te Ju kërkoj strehim nga dënimi i varrit.





Obligimi i shkuarjes në luftë





Fjalët e All-llahut të Lartmadhëruar janë:



“Dilni në luftë, qofshit të lehtë apo të rëndë, dhe luftoni në rrugën e
All-llahut me pasurinë tuaj dhe trupin tuaj! Kjo është më mirë për ju,
nëse e dini! Sikur ajo (fitorja) të ishte një gjë e afërt dhe udhëtimi
mesatar, ata do të vinin pas. Por atyre iu duk rruga e largët. Dhe ata
do të betohen në All-llahun…



Dhe fjalët e All-llahut të Lartmadhëruar janë: “O besimtarë, ç’është me
ju që ngurroni, - thuajse jeni ngjitur për tokë – kur ju thuhet: Dilni
në luftë, në rrugën e All-llahut! A, më e kënaqur ju duket e kësaj bote
se (jeta) në Ahiret?… dhe gjer te fjalët e Tia: “…Ai gjithçka mundet”.



Ibën Abbasi thotë: “… Në luftë dilni të shpërndarë nëpër aradha!”





Kur qafiri e mbyt muslimanin e pastaj e pranon Islamin, përmirësohet dhe vdes (duke luftuar në rrugën e All-llahut)





2826. Ebu Hurejra r.a. thotë se Pejgamberi s.a.v.s. ka thënë:



- All-llahu është i kënaqur me të dy që e mbysin njëri tjetrin dhe të
dy ata do të hynë në Xhennet. Njëri prej tyre ka ra shehid duke luftuar
në rrugën e All-llahut. Pastaj All-llahu do t’ia falë që të dyve, andaj
edhe ai (mbytësi) do të bjerë shehid (duke luftuar në rrugën e
All-llahut).





Ai që i jep përparësi luftës ndaj agjërimit





2828. E kam dëgjuar Enes b. Malikun r.a. duke thënë: “Ebu Talha, gjatë
kohës së Pejgamberit s.a.v.s. nuk ka agjëruar (nafile), për shkak të
(përforcimit) për luftë, kurse pas vdekjes së Pejgamberit s.a.v.s. nuk
e kam parë duke ngrënë pos gjatë ditëve të bajram ramazanit,
gjegjësisht Kurban bajramit”.





Shtatë llojet e shehidëve (pos atyre që vriten duke luftuar në rrugën e All-llahut)





2829. Ebu Hurejra, thotë se Pejgamberi s.a.v.s. ka thënë:



- Shehidët janë pesë lloje: i theruri, i vdekuri nga dizenteria, i
mbytyri në ujë, i vdekuri nga gërmadhat dhe shehidi (i cili lufton në
rrugën e All-llahut).





Fjalët e All-llahut të Lartmadhëruar:



“Besimtarët që rrinë në shtëpinë e tyre, pos të paaftëve, nuk janë të
barabartë me ata (besimtarë) që luftojnë në rrugën e All-llahut me
pasurinë dhe jetën e tyre. All-llahu i ka graduar ata që kanë luftuar
me pasurinë dhe jetën e tyre për një gradë më të lartë ndaj atyre që
kanë ndejtur në shtëpinë e tyre, dhe Ai të gjithëve u ka premtuar
mirësi. E, All-llahu i ka dekoruar me shpërblim të madh ata që luftojnë
përmbi ata që rrinë (në shtëpitë e veta s’kanë shkuar në luftë)…” gjer
te fjalët e Tia: “Se, është Falës dhe Mëshirues”.





Durueshmëria në luftë





2833. Abdullah b. Avfi ka shkruar e unë e kam lexuar ate se Pejgamberi s.a.v.s. ka thënë:



- Kur të përlesheni (me armikun) bëhuni të durueshëm!





Inkurajimi në luftë



Fjalët e All-llahut të Lartmadhëruar janë: “Inkurajoi besimtarët për luftë…”.





2834. Enesin r.a. thotë: Gjatë një mëngjesi të ftohtë, Pejgamberi
s.a.v.s. doli në Hendek dhe i pa Muhaxhirët dhe Ensaritë duke hapur
hendeqet, ngase nuk kishin rob për t’ua pranuar ato punë. Duke parë
mundin dhe urinë e tyre, Muhammedi a.s. tha:



- O, Zoti ynë, jetë e vërtetë është jeta në Ahiret, andaj fali Ensaritë dhe Muhaxhirët!



Ata, duke iu përgjigjur, thanë:



- Ne jemi ata që i jemi betuar ndaj Muhammedit a.s. se do të luftojmë në rrugën e All-llahut gjer në Amshim.





Rëndësia e agjërimit (kur njeriu është) në rrugën e All-llahut

2840. Ebu Seid Hudriun r.a. thotë



- E kam dëgjuar Pejgamberin s.a.v.s., i cili ka thënë:



“Ai që agjëron një ditë (kur është) në rrugën e All-llahut, All-llahu
atij do t’ia largojë fytyrën nga zjarri (i Xhehennemit) shtatëdhjetë
ditë (ecje)”.





Rëndësia e harxhimit në rrugën e All-llahut





2841. Ebu Hurejren r.a. duke dhënë se Pejgamberi s.a.v.s. ka thënë:



- Ai që në rrugën e All-llahut harxhon ca të mira, do ta ftojnë
mbikëqyrësit e Xhennetit, e ata janë mbikëqyrësit e të gjithë dyerve
dhe do t’i thonë: “Eja këtu”



Atëherë, Ebu Bekri tha:



- O, Resulullah, ai është, nga ata të cilët nuk i asgjëson asgjë?



- Shpresoj, se me të vërtetë, je njëri nga ata – i tha Resulullahu a.s.



2842. Ebu Seid el Hudriu r.a., thotë se Pejgamberi s.a.v.s. është ngritur në Minber dhe ka thënë:



- Frikohem për ju pas vdekjes sime ngase do t’u jepen të mirat e kësaj
bote. Pastaj i përmendi bukuritë e kësaj bote (një pas një).



Atëherë, u ngrit një njeri dhe tha:



- O Resulullah, a edhe e mira sjell të keqen?



Pejgamberi a.s. heshti e ne thamë: Shpallja (vajhi) është duke i
zbritur. Dhe të gjithë i kaploi heshtja, sikur të kishin pëllumba mbi
kokë, pastaj ai i fshiu djersët dhe tri herë tha:



- Ku është ai që pak më parë tha: “A edhe e mira…?”



E mira sjell vetëm të mirën, mirëpo kur në pranverë mugullon
gjelbërimi, ajo i mbyt kafshët duke i fryrë ato, ose iu shkakton
dhimbje, të gjitha kafshët që hanë gjelbërimin, e hanë ate gjer sa të
mbushin barkun, e pastaj kthehen ka dielli, kakërdhinë dhe pshurren dhe
prap hanë. Me të vërtetë, kjo pasuri është e gjelbërt (tërheqëse) dhe e
ëmbël, prandaj lum për atë musliman që e ka marrë me të drejtë dhe e
drejton në rrugën e All-llahut. U jep jetimave dhe të varfërve. Ai
(musliman) që nuk e ka marrë me të drejtë është i njëjtë me atë që han
e nuk ngopet dhe në Ditën e gjykimit pasuria i bëhet atij dëshmitarë.





Rëndësia e atij që e përgatit luftëtarin (për në rrugë të All-llahut) ose e zëvendëson me ndonjë të mirë





2843. Zejd b. Halidi r.a. tregon se Pejgamberi s.a.v.s. ka thënë:



“Kush e përgatit luftëtarin (që lufton) në rrugën e All-llahut, është i
barabartë me ate që merr pjesë në luftë, por edhe ai që e zëvendëson
luftëtarin (i cili lufton) në rrugën e All-llahut (në përkujdesjen, në
familjen e tij) është i barabartë me te”.





Rëndësia e vëzhgimit





2846. Xhabiri r.a. ka thënë:



- Pejgamberi s.a.v.s. në ditën e betejës së aleatëve ka thënë:



- Kush më sjell lajmin për popullin (Benu Kurejdhë)?



- Unë, - tha Zubejri.



Prapë pyeti: “Kush më sjell lajmin për atë popull?



- Unë, - prapë ia ktheu Zubejri.



Atëherë, Pejgamberi s.a.v.s. tha: “اdo pejgamber ka pasur ndihmës të vetin e ndihmës imi është Zubejri”.



Ai që e mban (ruan) kalin për (të kontribuar) në rrugën e All-llahut



dhe fjalët e All-llahut të Lartmadhëruar: “… dhe kali për luftë”.





2850. Urve b. Xha’di, thotë se Pejgamberi s.a.v.s. ka thënë:



- Kuajt e lidhur (për luftë në rrugën e All-llahut) për pronarin e tyre kanë mirësi gjer në Ditën e Gjykimit.





2853. Seid el Mukberiun tregon se ai ka dëgjuar Ebu Hurejren r.a. kur ka thënë:



- Pejgamberi s.a.v.s. ka thënë: “Ai që e ruan kalin për (të kontribuar)
në rrugën e All-llahut dhe duke besuar në All-llahun dhe premtimet e
Tija, me të vërtetë, ushqimi, uji, bajga dhe shurra (e kalit e tij) në
Ditën e Gjykimit do t’i vehen në peshojë”.





Kuajt (mbahen) për tri qëllime kryesore





Fjalët e All-llahut të Larmadhëruar janë: “… edhe kuajt, edhe mushkat,
edhe gomarët për t’i shaluar ju, dhe për zbukurim dhe krijon çka nuk e
dini ju”.



2860. Ebu Hurejra r.a. thotë se Pejgamberi s.a.v.s. ka thënë:



“Kuajt janë për tri grupe njerëzish: për disa janë shpërblim, për disa
janë mbrojtje e për disa janë mëkat. Dhuratë janë për atë që i mbajnë
(për të kontribuar) në rrugën e All-llahut dhe i kullosin ata në
livadhet dhe kopshtet e tyre dhe çka do të hanë në ato livadhe apo
kopshte, (pronarit të tyre) do t’i shkruhen të mira se nëse ai ia
ndërron vendin atyre, duke bërë një hap, apo dy hapa edhe gjurmët që i
len pas do t’i llogariten atij mirësira. Nëse pronari kalon me ta pranë
lumit e ata pinë ujë nga ai, edhe pse ai nuk ka menduar që t’u jep ujë
atyre, megjithatë pronarit i llogaritet punë e mirë.



E kanë pyetur Pejgamberin s.a.v.s. në lidhje me gomarin e ai është përgjigjur:



-Lidhur me te asgjë nuk është shpallur (nga All-llahu), pos këtij ajeti
të përgjithshëm dhe unik: “… ai që ka punuar ndonjë të mirë, qoftë ajo
e vogël as thërrmia, do ta shohën ate, kurse ai që ka punuar ndonjë të
keqe, qoftë madje sa thërrmia, do ta shohën atë”.





2887. Ebu Hurejra, r.a. thotë se Pejgamberi s.a.v.s. ka thënë:



I mallkuar është ai që bëhet rob i dinarit, i derhemit dhe i petkut,
ndërsa kur i dhurohet diçka kënaqet e, kur nuk i dhurohet, hidhërohet,
poshtërohet dhe përdhoset e, kur kërkohet (diçka nga ai), nuk del
asgjë. Lum për robin, i cili e mban kalin për freri në emër të
All-llahut, e ngrit kokën lart dhe i pluhëros këmbët (në rrugën e
All-llahut); nëse është në roje, e mban me nder, e nëse është në
prapavijë, e siguron mirë e nëse ndokush kërkon leje na ai, nuk i
lejon, po edhe nëse i lutet, nuk i aprovohet”.



2892. Sehl b. Sa’d Es Saidijju r.a., thotë se Pejgamberi s.a.v.s. ka thënë:



-T’i përgatitësh (kuajt) për luftë në rrugën e All-llahut është më mirë
se e tërë bota dhe çka ka në te, kurse vendi i kamxhikut të ndonjërit
nga ju në Xhennet është më i vlefshëm se e tërë bota dhe çka ka në te,
gjithashtu një udhëtim në mbrëmje ose në mëngjes për në rrugën e
All-llahut është më i vlefshëm se e tërë bota dhe çka ka në te.



2899. Selmete b. Akvin thotë:



- Pejgamberi s.a.v.s. ka kaluar pranë një grupi të pjesëtarëve (të
fisit) Eslem, të cilët bënin gara në gjuajtje me shtizë e Pejgamberi
s.a.v.s. u tha:



“Gjuani o bijt e Ismailit! Me të vërtetë, baballarët tuaj kanë qenë shenjtarë të mirë! Gjuani! Unë jam me bijt e filanit!”



Atëherë njëra nga ato dy grupe pushoi së gjuajturi – thotë
transmetuesi, andaj Pejgamberi s.a.v.s. tha: ç’u bë me ju që nuk gjuani?



- Si të gjuajmë – thanë ata – kur ti je me ta?



- Gjuani - tha Pejgamberi s.a.v.s. – unë jam me të gjithë ju.





Ai që dëshiron të shkojë në luftë, por ate e fsheh me diç tjetër dhe ai që ka dashur të dalë ditëve të enjta





2947. Tregon Abdurrahman b. Abdullah b. Ka’bi se Abdullah b. Ka’bi, i
cili ka qenë përcjellës i Ka’bit (të verbët), njërit të djemve të tij i
ka thënë:



- E kam dëgjuar Ka’b b. Malikun, kur ka mbetur pas Pejgamberit s.a.v.s.
(në betejën e Tebukit, duke thënë): “Resulullahu a.s. nuk i përgatite
betejat (haptas), por ato (përgatitjet) i fshehte (maskonte) me diç
tjetër”.



2948. Na ka treguar Abdurrahman b. Abdullah b. Ka’b b. Maliku duke thënë: “E kam dëgjuar Kab’b b. Malikun kur thoshte:



-Pejgamberi s.a.v.s. rrallëherë betejat i përgatiste (haptas), por ato
i fshehte me diç tjetër. Ashtu ka vepruar edhe me betejën e Tebukit.
Pejgamberi s.a.v.s. për në atë beetjë është nisur kur bënte më së
shumti nxehtësi, është nisur në rrugë të gjatë dhe të rrezikshme. ثshtë
nisur për në luftë kundër armikut (me ushtri në numër shumë më të madh
se e tia) andaj edhe u ka treguar muslimanëve që t’i përgatitin gjërat
e domosdoshme për luftë kundër armikut të tyre ashtu siç dëshironte ai.





Dëgjueshmëria dhe respekti ndaj eprorit





2955. Ibën Umeri r.a., thotë se Pejgamberi s.a.v.s. ka thënë:



“(Eprorin duhet) dëgjuar dhe respektuar gjersa të urdhërojë drejt, e,
nëse ai urdhëron në gabueshmëri, atëherë nuk duhet dëgjuar dhe
respektuar ate”.



2957. Sipas këtyre transmetuesve, hadithi vazhdon edhe më:



- Ai që më dëgjon mua, e dëgjon edhe All-llahun, ndërsa ai që nuk më
dëgjon mua, nuk e dëgjon edhe All-llahun. Kush e dëgjon eprorin e tij,
ai më dëgjon edhe mua, ndërsa kush nuk e dëgjon eprorin e tij, nuk më
dëgjon as mua.



Eprori është mburojë pas të cilit duhet luftuar dhe të mbrohemi me te.
Nëse ai urdhëron në devotshmëri ndaj All-llahut dhe gjykon drejtë, për
atë do të shpërblehet e nëse urdhëron diçka tjetër, do të përgjigjet.





Betimi në luftë





Të betuarit në luftë se nuk do të dezertojë, kurse disa nga
transmetuesit thonë: “(Të betuarit) në vdekje”, duke u bazuar në fjalët
e All-llahut të Lartmadhëruar: “All-llahu është i kënaqur me ata
besimtarë kur t’u betuan ty nën hijen e drurit…”



2958. Ibën Umeri r.a. ka thënë: “(Në bazë të marrëveshjes së Hudejbisë)
te druri, të cilin All-llahu e kishte bekuar, nuk tuboheshin më tepër
se dy veta gjatë betimit (për në luftë).



- Nafiun e pyetëm – thotë Xhuvejri – në çka betoheshit? Në vdekje?



- Jo – tha Nafiu. – Betimi i tyre ishte në qëndrueshmëri (ndaj armikut).



2960. Selemeh r.a., thotë:



- U betova në besnikëri ndaj Pejgamberit s.a.v.s. e, pastaj u nisa në
drejtim të pemës (në hijen e së cilës betoheshim) dhe njerëzit filluan
që të shpërndahen, Resulullahu a.s. më pyeti:



- E ti, a je betuar, O Ibën Ekve?



- Po, i thashë – thotë Ibën Ekve.



- Prapë betohu! – tha Resulullahu a.s.



Atëherë jam betuar për herë të dytë.



Pastaj Jezid b. Ebu Ubejdin e pyeta:



- O Ebu Muslim (ofiq i Ibën Ekves) në çka betoheshit?



- Në vdekje – më tha.



2962,2963. Muxhashiu r.a., thotë:



- Kemi shkuar unë dhe vëllai im te Pejgamberi s.a.v.s. dhe i thamë:



- Pranoje betimin tonë se ne shpërngulemi (nga Mekkja)”.



- Nuk ka më shpërngulje për banorët e saj (Mekkes) – tha ai.



- E, në çka në betohemi ne? – e pyeta.



- Në Islam dhe në luftë (për në rrugën e All-llahut) – tha ai.



2966. Dhe, (para se t’ia fillonte luftës), ngrihej në mesin e njerëzve
dhe thoshte: O Njerëz, mos iu gëzoni përleshjes me armikun! Luteni
All-llahun për shëndet, por kur të përlesheni me armikun, bëhuni të
qëndrueshëm dhe (çdo njëri prej jush) le ta ketë të qartë se Xhenneti
është nën hijen e shpatave!”



Më pastaj tha: “O Zoti im, Ti që je Zbritës i Librit (Kur’anit) dhe që
i shtyn retë në lëvizje, si dhe Ngadhnjimtar ndaj armiqve, detyroi ata
(armiqtë) që të ikin dhe na ndihmo kundër tyre!”.





Pagat e mercenarëve



- dhe të ndihmuarit e luftës për në rrugën e All-llahut duke dhuruar kafshët për shalim dhe bartje.





Muxhahidi ka thënë:



- Ibën Umerit i kam thënë: “Dua të shkoj në luftë!”



- Kurse unë – tha ai – me një pjesë të pasurisë sime dua ta ndihmoj luftën në rrugën e All-llahut.



- All-llahu të gjitha sendet m’i ka dhuruar me shumicë – i thashë.



- Me të vërtetë, ke pasuri të mjaftueshme – më tha Ibën Umeri – dhe
vazhdoi duke thënë se edhe unë dëshiroj që një pjesë e pasurisë sime të
derdhet në atë fond.



Umeri tha:



- Disa individë marrin nga pasuria shtetërore që të luftojnë në rrugën
e All-llahut (por edhe pse e marrin) prapë nuk shkojnë në luftë, andaj
e drejtë e jona është që t’ua marrim pasurinë të cilën e kanë marrë nga
pasuria shtetërore.



Tavusi dhe Muxhahidi thonë: “Po qe se ju dhurohet diç që me te të
luftoni në rrugën e All-llahut, atëherë me të bën ç’të duash dhe lini
familjes suaj”.





Fjalët e Pejgamberit s.a.v.s.



“Isha i ndihmuar ngase (armiku) më frikësohej në distancë sa ecja për një muaj”.





Dhe fjalët e All-llahut të Lartmadhëruar: “Ne do të fusim tmerr në zemrat e atyre që nuk besojnë…”



Këtë e transmeton Xhabiri nga Pejgamberi s.a.v.s….



2977. Ebu Hurejra r.a., thotë se Pejgamberi s.a.v.s. ka thënë:



- Jam dërguar (nga All-llahu) me fjalë të thukta (me Kur’an) dhe i
ndihmuar nga Ai që të më frikësohet (armiku). Dhe, kur flija, m’u dhanë
çelësat e depove të tokës dhe u vendosën në duart e mia.



Ebu Hurejra ka thënë: “Pejgamberi s.a.v.s. ka shkuar (në botën tjetër), kurse ju do t’i zbrazni ato (depot)”.





Spiunët





All-llahu i Lartmadhëruar thotë:



“… mos merrni për mik armikun Tim dhe armikun tuaj…”



(El-Mumtehin – 1)

3007. Amër b. Dinari, thotë:



“E kam dëgjuar Aliun r.a. duke thënë se Pejgamberi s.a.v.s. na dërgoi
mua, Zubejrin dhe Mikdad b. Esvedin dhe na urdhëroi që të shkojmë në
Revdatu Hahi, atje është një grua me një letër dhe ju merrjani atë
letër”.



I shaluam kuajt dhe u nisëm për në Redvatë, e gjetëm atë grua dhe i thamë: “Nxirre letrën!”



- Nuk kam kurrfarë letre – na tha ajo.



- Ju kërcnuam duke i thënë: do të nxjerrësh letrën, përndryshe do t’i hjeqim rrobat?



Atëherë e nxorri letrën nga gërshtetat e saja dhe atë letër ia dërguam
Pejgamberit s.a.v.s. Me atë letër Hatib b. Ebu Beltai i lajmëronte disa
nga idhujtarët, banorë të Mekkës, për disa punë të Pejgamberit s.a.v.s.



-ا’është kjo, Hatib? – e pyeti Resulullahu a.s.





A lejohet që natën të sulmohen banorët e një vendi jomusliman e gjatë sulmit, të goditen fëmijët dhe pasardhësit e tyre





3012. Sa’b b. Xheththami r.a., thotë:



- Pejgamberi s.a.v.s. kalonte pranë Evbasë, gjegjësisht Veddanit dhe
është pyetur për idhujtarët, banorë të vendit joislam, dhe në rast se
sulmohen natën do të goditen gratë e tyre ose pasardhësit e tyre, e ai
u përgjigj:



- Ata janë të tyre.



Gjithashtu e kam dëgjuar duke thënë: “Mbrojtja i takon vetëm All-llahut dhe të Dërguarit të Tij”.





Mbytja e femrave në luftë





1015. Na ka treguar Is-hak b. Ibrahimi, i cili ka thënë:



- I kam thënë Ebu Usames: “Ju ka treguar Ubejdullahu, duke transmetuar
nga Nafiu, e ky nga Ibën Umeri, i cili ka thënë: Në njërat nga betejat
e Pejgamberit s.a.v.s. është gjetur një grua e mbytur, andaj
Resulullahu a.s. e ka ndaluar mbytjen e femrave dhe të fëmijëve”.





Kur idhujtari e djeg muslimanin, a duhet dënuar edhe atë me zjarr





3018. Ebu Enesi r.a. thotë se një grup prej tetë vetësh nga (fisi) Ekël
erdhën te Pejgamberi s.a.v.s. ngase me vështirësi e përballonin klimën
e Medinës dhe i thanë:



- O Resulullah, na ndihmo!



- Nuk kam çka t’ju jap – tha Resulullahu a.s. – pos t’u bashkoheni tufës së deveve.



Atëherë shkuan dhe pinë tëmbël dhe shurrë të deveve, gjersa u shëruan
dhe u përmirësuan. Me të shëruar, i masakruan çobanët, ua morën devet
dhe u kthyen në kufër, edhe pse më parë e kishin pranuar Islamin.



(Njëri nga çobanët) erdhi te Pejgamberi s.a.v.s. që të kërkojnë ndihmë,
e ai e dha fletarrestimin dhe, ende pa aguar mëngjesi, u zunë. Ia prenë
duart dhe këmbët. Pastaj urdhëroi që të torturohen me gozhda të nxehta
dhe i hodhën në Harret, Ata kërkonin ujë, mirëpo askush nuk u ofroi
gjersa ata vdiqën.



Ebu Kalibe ka thënë: “Ata i masakruan (çobanët), ua vodhën devet,
luftuan kundër All-llahut dhe Pejgamberit të Tij dhe shkaktuan trazira
në tokë”.





Ndezja e shtëpive dhe palmave





3020. Kajs b. Ebu Hazimi tregon duke thënë: - Xheriri më ka treguar se
Pejgamberi s.a.v.s. atij i ka thënë: “A do të më zgjedhësh problemin e
Dhul-l-Halesit”, e ajo është shtëpi në Hath’anë, e cila quhet Qabja
Jemenase.



Pastaj – thotë Xheriri – jam nisur me njëqindepesëdhjetë kalorës nga
(fisi) Ahmes, e ata ishin kalorës të shkëlqyeshëm, kurse unë – thotë
Xheriri – nuk isha i rregullt në kuaj. Me atë rast Resulullahu a.s. më
ra në gjoks, aq sa më mbetën gjurmët e gishtërinjve të tij në gjoks dhe
tha:



- O Zoti im, konsolidoje dhe bëre udhëheqës të mirë, i cili (në të ardhmen) do të udhëheqë në rrugë të drejtë!



Pastaj u nis për në Dhu-l-Halesë, arriti atje, e rrënoi, e ndezi atë
dhe e dërgoi (një njeri) që ta lajmërojë Pejgamberin s.a.v.s. (duke i
rrëfyer Pejgamberit s.a.v.s. për rrjedhën e luftës) i dërguari i
Xheririt i tha:



- Pasha Atë, i cili të ka dërguar me të Vërtetën (Kur’anin), s’të kam
ardhur gjersa nuk e kam lënë atë (Dhu-l-Halesin) sikur deven me barkë
të zbrazët ose të zgjebosur (të shkatërruar).



Me atë rast Pejgamberi s.a.v.s. pesë herë i bekoi kuajt (e fisit) Ahmes dhe njerëzit e tyre.



3021. Ibën Umeri, i cili ka thënë:



“Muhammedi s.a.v.s. ua ka djegur (fisit) Benu Nadir palmat e tyre”.





Mbytja e idhujtarëve në gjumë





3022. Bera’b. Azibi r.a. ka thënë:



- Pejgamberi s.a.v.s. për ty mbytur Ebu Rafiun, kishte dërguar një grup ensariësh. Njëri nga ata hyri (brenda në kështjellë).



- Kam hyrë – thotë ai – në shtallën e kuajve të tyre, e ata – shton ai
i kishin mbyllur dyert e kështjellës. Mirëpo (atë natë) u kishte humbur
një gomar dhe dolën që ta kërkojnë. Në mesin e tyre që dolën, isha edhe
unë, duke u paraqitur gjoja se edhe unë e kërkoja (gomarin e tyre). Më
në fund e gjetën gomarin dhe hynë brenda në kështjellë.



Dyert e kështjellës natën i mbyllnin, ndërsa çelësat e kështjellës i lenin në një vrimë të murit, të cilën edhe ai e vërejti.



- Posa i zu gjumi, i mora çelësat – thotë ai – i hapa dyert e
kështjellës, hyra në kështjellë dhe thirra; “O Ebu Rrafia”, ai m’u
përgjigj. Unë u nisa në drejtim të zërit të tij, e godita e ai klithi.
Dola jashtë kështjellës, por përsëri u ktheva gjoja se po u ndihmoj dhe
prapë e thirra: “O Ebu Rrafia”, e ai tha;



- ا’ke, mjerë për nënën tënde!



- ا’don, e pyeta?



- Nuk di – tha ai – dikush ka hyrë dhe më ka ra fort.



- Atëherë – thotë ensariu – shpatën ia vura në bark dhe e sulmova, duke
i shtypur çdo asht veç e veç. Ashtu i lumtur dola dhe arrita tek
shkallët e kështjellës që të dal nga ajo apo, duke zbritur, e përdrodha
këmbën dhe ashtu shkova tek shokët e mi dhe u thashë: “Nuk do të
largohem nga këtu gjersa ta dëgjoj vajin e tyre”.



Dhe me të vërtetë nuk u largova gjersa e dëgjova vajtimin për Ebu
Rrafiun, tregtarin me banorët e Hixhazit. Pastaj - thotë ai – u ngrita
dhe nuk e dëgjova lodhjen, shkuam te Pejgamberi s.a.v.s. dhe e
lajmëruam për (mbytjen e Rrafiut).



3030. Xhabir b. Abdullahu r.a. thotë:



- Pejgamberi s.a.v.s ka thënë: “Lufta është mashtrim”.



3031. Na ka treguar Kutejbe b. Seidi, këtij Sufjani, këtij Amër b.
Dinari, këtij Xhabir b. Abdullahu, i cili thotë se Pejgamberi s.a.v.s.
ka thënë:



- Kush është për (mbyjen) e Ka’b b. Eshrefit, ngase ai ofendon All-llahun dhe të dërguarin e Tij?



Atëherë Muhammed b. Meslemi iu drejtua Pejgamberit s.a.v.s. duke i thënë: A dëshiron që ta mbys atë?



- Po, - iu përgjigj.



Me atë rast shkoi te ai – thotë Muhammed b. Meslemi – dhe i tha:



-Me të vërtetë, ai – duke aluduar në Pejgamberin s.a.v.s. – na ka
ngarkuar me (obligime) e tash kërkon edhe zeqat, por për Zotin – i
thotë ai na është mërzitur! Ne do t’i shkojmë pas atij, s’do të ndahem
nga ai, gjersa të shohim se ç’do të ndodhë me atë.



Dhe këtë ia përsëritte gjersa nuk e kapi, e kur e kapi, e mbyti.



3038. Na ka treguar Jahjau, këtij Vekiu, këtij Shu’be, këtij Seid b.
Ebu Burda, këtij i ati i tij, kurse këtij gjyshi se Pejgamberi s.a.v.s.
e ka dërguar Muadhin dhe Ebu Musanë në Jemen dhe u ka thënë:



“Lehtësoni e mos vështirësoni, gëzohuni e mos përçani, pajtohuni e mos e tradhtoni njëri tjetrin”.





Kur armiku i nënshtrohet vendimit të një njeriu (nga radhët e muslimanëve)





3043. Seid b. Hudriu r.a., thotë:



- Kur (pjesëtarët e fisit) Benu Kurejdhë, pranuan që t’i gjykojë Sa’di,
ai është Ibën Muadh, atëherë Pejgamberi s.a.v.s. e dërgoi (një njeri
për ta ftuar atë), ai ishte afër. Erdhi hypur në gomar dhe, kur u
ofrua, Pejgamberi s.a.v.s. u tha: “Ngrihuni pranë zotëriut tuaj!”



Atëherë erdhi dhe u ul pranë Pejgamberit s.a.v.s., kurse ai i tha: “Këta kanë pranuar që t’i gjykosh”.



- Unë gjykoj – tha ai – që ata të cilët kanë luftuar (kundër Pejgamberit s.a.v.s.) të mbyten, kurse pasardhësit të robërohen.



Me të vërtetë, ke gjykuar me gjykimin e All-llahut – i tha Resulullahu a.s.





Pushkatimi i robit





3044. Enes b. Maliku r.a. tregon se Pejgamberi s.a.v.s. hyri në Mekke
në ditën e çlirimit të saj, e në kokë kishte helmetën. Kur e hoqi atë
(helmetën), erdhi një njeri dhe i tha: “Ibën Hatali mbahet varur me
mbulesë të Ka’bes”.



- Mbyteni – tha ai.





A duhet pranuar muslimani robërinë



- dhe ai që nuk ka pranuar që të mbetet rob si dhe ai që i ka falur dy rekatë para pushkatimit.





3045. Ebu Hurejra ka thënë:



- Pejgamberi s.a.v.s. e dërgoi çetën prej dhjetë vetësh për të
vëzhguar, kurse për epror e caktoi Asim b. Thabitin El Ensariun,
gjyshin e Asim b. Umer b. Hattabit. Ata udhëtuan gjersa arritën në
Hed’et, i cili gjendet në mes Usfanit dhe Mekkes. (Banorët e këtij
qyteti) ishin fisi Hudhejlë, e quheshin Beni Lehjanë. Në luftë dolën
gati dyqind veta dhe çdonjëri prej tyre ishte i shkathtë në gjuajtje me
shtizë. Vëzhguesit, duke shkuar pas gjurmëve të tyre, arritën në një
vend ku ata kishin dekruar. Aty gjetën një hurme të cilën e kishin
marrë në Medine dhe thanë: “Kjo është hurmë nga Medina” dhe vazhduan të
ecin pas gjurmëve të tyre.



Kur Asimi me shokët e tij i panë ata (armiqtë), u detyruan që të
fshihen në një skutë, por megjithatë armiqtë i vërejtën dhe i rrethuan.
Kërkonin që të zbresin dhe të dorëzohen duke u premtuar garancë se nuk
do t’i mbysin asnjërin nga ata.



Atëherë Asimi, epror i çetës, u tha:



“Sa më përket mua, për Zotin, nuk dorëzohem sot, që të jem nën
mbikëqyrjen e quffarëve, (dhe vazhdoi duke iu lutur All-llahut): “O
Zoti im, lajmëroje Pejgamberin Tuaj, për ne”.



(Me të dëgjuar fjalët e Asimit filluan) të gjuajnë me shigjeta, e
mbytën Asimin dhe gjashtë të tjerë, kurse tre tjerët u dorëzuan sipas
premtimit dhe garancës që ua kishin ofruar. Në mesin e tyre kanë qenë
Hubejb El Ensariu, Ibën Dethini dhe i treti (Abdullah b. Tariku). Dhe
posa u dorëzuan i lidhën me litarët e harqeve të tyre.



Atëherë i treti (Abdullah b. Tariku) tha: “Kjo është tradhtia e parë,
për Zotin unë nuk do t’ju bëhem shok! Me të vërtetë edhe në këtë ka
mësim”, duke aluduar në mbytje.



E tërhoqën dhe shëruan duke dashur që t’u bashkohet atyre, por
megjithatë ai nuk pranoi, e mbytën dhe vazhduan rrugën me Hubejbin dhe
Ibën Dethinin, dhe, pas asaj që ndodhi në betejën e Bedrit, i shitën në
Mekke. Hubejbin e blenë djemtë e Harith b. Amir b. Nevfal b. Abdi
Menafit.



Hubejbi qysh në betejën e Bedrit e kishte mbytur Harith b. Amrin, andaj edhe mbeti rob i tyre.



Më vonë Ubejdullah b. Ijadi më ka treguar se Hudejbi me një rast kur
janë tubuar, nga vajza Harithit ka kërkuar që ajo t’ia huazojë briskun
për t’u rruajtë, e ajo ia huazoi.



Pastaj e mori djalin tim, e unë – tregon ajo – fare nuk e kam parë kur
djali iu afrua atij. Hubejbi me një dorë e mbante djalin, kurse me
dorën tjetër briskun. U shtangova kur e pashë, sa që edhe Hubejbi më
vërejti në bazë të fytyrë sime dhe më tha:



- Frikohesh se do ta mbys? Jo nuk e bëj atë.



“Për Zotin, nuk kam parë rob më të mirë se Hubejbi. Për Zotin e kam
parë një ditë duke ngrën rrush nga një kalavesh, të cilin e mbante në
dorë edhe pse ishte në pranga. E, në Mekke atëherë nuk kishte asnjë
pemë dhe tha: “Ky, me të vërtetë, është rriskë nga All-llahu që Ai ia
ka dhuruar Hubejbit”.



Pasi që e nxorën nga Haremi dhe e dërguan në Hil-lë për ta mbytur, Hubejbi u tha:



“Më lejoni që t’i fali dy reqat namaz (nafile)”.



E lejuan ata, i fali dy reqat namaz dhe u tha:



- Po të mos mendonit se frikohem nga vdekja, unë këtë namaz do ta
zgjatja edhe më shumë. O Zoti im, numëroi një nga një (shkatërroi një
nga një).



Nuk mërzitem, kur vritem si musliman – në cilëndo anë qoftë vendi i
pushkatimit tim për në rrugën e All-llahut, - ngase, All-llahu kudo që
të jenë gjymtyrët e kufomës sime, nëse Ai don, i bekon.



Hubejbi, para se të vritet nga Ibën Hrithi, i fali dy reqat namaz për tërë muslimanin që janë vrarë në pranga, pa ushqim.



All-llahu ia pranoi lutjen Asim b. Thabitit, të cilin e bëri ditën kur
është vrarë, andaj Pejgamberit s.a.v.s. i lajmëroi shokët e tij për atë
se ç’i kishte ndodhur atij (Asimit dhe shokëve të tij).



Disa nga mushrikët kurejshë lajmëruan për vrasjen e Asimit edhe pse që
më parë dihej për vrasjen e tij dhe kërkuan që t’u sillet atyre diçka
nga ai (Asimi) për ta identifikuar, edhe pse ai qysh në betejën e
Bedrit ua kishte mbytur njërin nga paria e tyre (d.m.th. e njihnin
Asimin).



Mbi kufomën e Asimit u paraqit një tubë karkalecash për ta mbrojtur nga
xhelati i tyre (idhujtarëve kurejshë), dhe nuk ia arritën që ta presin
asnjë gjymtyrë ga kufoma e tij.





Kur luftëtari (i shtetit) jomusliman hyn në tokën muslimane pa marrëveshje për sigurinë e tij





3051. Na ka treguar Ebu Nuajmi, këtij Ebu Umejsi, këtij Ijas b. Selem b. Ekvai, këtij i ati i tij, i cili ka thënë:



- Kur Pejgamberi s.a.v.s. ishte duke udhëtuar për në një betejë, tek ai
erdhi një spiun nga radhët i idhujtarëve, u ul tek shokët e tij,
bisedoi me ata dhe vazhdoi rrugën.



Atëherë Pejgamberi s.a.v.s. tha:



“Kërkoni atë dhe mbyteni!”



Pastaj atë e mbyti Selemi dhe Pejgamberi s.a.v.s. pajisjen e tij ia dha Selemit.





All-llahu edhe me njerëz që gabojnë e përforcon fenë





3062. Ebu Hurejra r.a., thotë:



- Me Pejgamberin s.a.v.s. kemi marrë pjesë në betejën e Uhdit, e ai për
një njeri, që me të madhe agjitonte për Islamin, thoshte: “Ai është nga
radhët e xhehenemlinjve”.



Dhe posa filloi lufta, ai njeri luftoi aq shumë sa edhe u plagos rëndë.



- O Resulullah, i thanë, për atë që the se është nga radhët e xhehenemlinjve, sot ka luftuar aq shumë sa edhe u vra.



- Megjithatë, ai është xhehenemli, - u tha Resulullahu.



Disa njerëz filluar të dyshojnë në fjalët e tia, por papritmas erdhi
një njeri duke thënë: “Ai nuk ishte vrarë, por kishte marrë plagë të
rënda”.



Kaloi gjysma e natës (i plagosuri) nuk mundi t’u përballojë plagëve dhe
e mbyti veveten. E lajmëruan Pejgamberin s.a.v.s. (për vetëvrasjen e
tij), e ai tha:



“All-llahu është i madh! Dëshmoj se unë jam rob i All-llahut dhe i Dërguar i Tij”.



Pastaj e urdhëroi Bilallin, e ai e lajmëroi njerëzit se:



“Në Xhennet do të hyjë vetëm muslimani i sinqertë, e All-llahu edhe me njerëz që gabojnë e përforcon fenë”.