Ngrohja globale filloi të tregoj dhëmbët e saj

Ngrohja globale filloi të tregoj dhëmbët e saj

Kushtet anormale klimatike të vërejtura në Azinë Jugore dhe në Evropën Perëndimore fillojnë të shkaktojnë shqetësime.

25.07.2007 09:39






Kushtet
anormale të regjistruara në Azinë Jugore dhe në Evropën Perëndimore
janë tregues të fortë se ngrohja globale dalëngadalë po e tregon veten.
Disa pjesë të botës përjetojnë temperaturat shumë të lartë ndërsa
Gjermania, Anglia dhe Kina ballafaqohen me problemet që po sjellin të
reshurat e mëdha të shiut. Ekspertët vlerësojnë se anomalitë e tilla
janë reflektimet e para të ngrohjes globale.

Në
Evropë, pra në Anglia dhe Gjermania janë paraqitur probleme të mëdha me
të reshurat e shiut. Anglia, e cila shënoi të reshurat më të mëdha që
nga 1938, ka probleme serioze ku mbi 50 mijë veta janë detyruan që të
braktisin shtëpitë e tyre ndërsa 350 mijë veta kanë të vështirë të
sigurojnë ujin e pijes. Raportohet se në pjesët e ndryshme të Anglisë
janë paraqitur edhe probleme lidhur me sigurimin e energjisë elektrike.

Ushtria është në gjendje gatishmërie për intervenime të ndryshme të
shpëtimit. Kjo cilësohet si gatishmëria më e madhe që ka treguar
nganjëherë nga ushtria në kohën e paqes. Trupat ushtarake britanike
kanë evakuuar me mija njerëz nga rajonet e rrezikuara.

Edhe
Gjermania u godit nga reshjet e mëdha ku pjesa më e prekur ishte ajo
jugore. Në . landin Bayyera lajmërohet për vdekjen e një gruaje nga të
reshurat.

Në Kinë të reshurat sezonale Muson sivjet kanë qenë
shumë të fuqishme. Lajmërohet se në pjesën juglindore të Kinës nga të
reshurat e mëdha kanë vdekur së paku 400 njerëz.

Ndërsa
në anën tjetër në Indonezi të reshurat janë shoqëruar me shembjen e
dheut ku kanë vdekur 32 persona, ndërsa në ishullin Gjelebes afro 5000
veta janë detyruar të braktisin shtëpitë e tyre. Po ashtu shumë
lokalitete dhe fusha të gjëra kanë mbetur nën ujë.

Indonezia ballafaqohet me probleme serioze

Azia
Jugore është regjioni më i prekur nga pasojat e ngrohjes globale. Kjo
pjesë e botës çdo ditë përjeton probleme nga të reshurat.

Agjencitë e ndryshme të lajmeve lajmërojnë për vdekjen e 58 personave nga fatkeqësitë e shkaktuara nga të reshurat anomale.

Rustem
Pakaja, Koordinatori i Qendrës së Krizave në kuadër të Ministrisë së
shëndetësisë të Indonezisë, informon për shembjen e dheut në ishullin
Sulawasi, nga e cila kanë humbur jetën 7 persona dhe supozohet se edhe
së paku 45 persona gjenden të vdekur nënë dhe. "Për shkak të mbylljes
së rrugëve nga fatkeqësia nuk mund të epen 16 mijë personave ushqim dhe
barëra të cilët janë bllokuar në shtëpitë e tyre" shprehet Pakaja.

Sipas
Frit Abbas, Kryesuesi i Qendrës Emergjente për Fatkeqësitë në ishullin
Sulawasi, kanë vdekur 58 veta dhe shumë njerëz kanë mbetur nën dheun e
shembur, kurse mbi 5 mijë veta kanë braktisur shtëpitë e tyre. Në vitin
e kaluar në ishullin Sulawasi për shkak të reshurave kanë vdekur 250
vetë dhe 100 konsiderohen të zhdukur.