Kur i detyrohet agjërimi një femrës muslimane?

Kur i detyrohet agjërimi një femrës muslimane?


Përgjigje:Femra
muslimane detyrohet për të agjëruar atëherë kur futet në moshën e
pjekurisë (bylyk). Femra futet në bylyk (moshën e pjekurisë) kur mbush
pesëmbëdhjetë vjeç, kur qimet dalin në vendet e turpshme, kur ka
orgazëm, kur i vijnë menstruacionet apo kur mbetet shtatzënë. Ndaj nëse
njëra prej këtyre dukurive shfaqet tek një femër e ka të detyruar të
agjërojë Ramazanin, edhe në qoftë se i ka dhjetë vjeç.



Shumica
e femrave ju vjen menstruacioni në moshën 11 apo 12-vjeçare, ndaj shumë
familje nuk e përfillin dhe as nuk i japin rëndësi kësaj dukurie nga
injoranca, sepse mendojnë se është ende e vogël dhe nuk e ka detyrim
agjërimin. Ky është një gabim, por duhet ta dijë çdokush se nëse femrës
i vjen cikli mujor, ajo është futur në bylyk (moshën e pjekurisë) dhe
detyrohet për çdo adhurim, ndaj lapsi fillon të shkruajë çdo vepër.

[Hoxhë: Abdullah ibën Xhibrin]

Nëse gruaja ndjen dhimbjet e menstruacionit, por nuk ka pasur gjakderdhje para se të perëndojë dielli, a konsiderohet agjërimi i saj autentik, apo detyrohet për ta kompensuar atë ditë?

Përgjigje:
Nëse femra i ndjen dhimbjet e menstruacionit duke agjëruar, por ka
gjakderdhje vetëm pasi të perëndojë dielli, agjërimi i saj konsiderohet
si autentik dhe i saktë. Nuk detyrohet ta kompensojë nëse është agjërim
i detyrueshëm dhe assesi nuk privohet nga shpërblimi nëse është agjërim
vullnetar.

[Hoxhë: Muhamed ibën Salih El-Uthejmin]


Ferma e cila është në ciklin mujor dhe ajo lehonë, a e kanë të lejuar të hanë dhe të pinë gjatë ditës së Ramazanit?

Përgjigje:
Po, këto dy kategori (grupe) njerëzish e kanë të lejuar të hanë dhe të
pinë gjatë ditës së Ramazanit, por më e preferuar dhe delikate do të
ishte nëse këtë e bëjnë fshehurazi, sepse po të hanë dhe të pinë
haptazi, mund të lindin dyshime dhe konfuzione tek të vegjlit të cilët
nuk mund t’i kuptojnë aq lehtë gjërat.

[Hoxhë: Muhamed ibën Salih El-Uthejmin]


Çfarë duhet të veprojë një grua shtatzënë apo gruaja e cila e ka fëmijën e saj në gji, nëse e prishin agjërimin?

Përgjigje:
Gruas shtatzënë dhe ajo që e ka fëmijën në gji nuk i lejohet ta prishin
agjërimin, përveçse me arsye. Po qe se e prishin Ramazanin me arsye,
detyrohen që t’i kompensojnë ato ditë. Allahu, subhanehu ue teala,
thotë: “Pra, kushdo nga ju që dëshmon këtë muaj, le të
agjërojë! Sa i përket atij që është i sëmurë ose gjendet në udhëtim e
sipër (le të agjërojë më vonë) aq ditë sa nuk i ka agjëruar. Allahu
dëshiron që t’jua lehtësojë dhe jo që t’jua vështirësojë.” (El-Bekare, 185)
Këto dy kategori njerëzish, gruaja shtatzënë dhe ajo që e ka fëmijën në
gji, llogariten të sëmurë, ndaj nëse e prishin agjërimin, atëherë
detyrohen t’i kompensojnë me ditë të tjera.

[Hoxhë: Muhamed ibën Salih El-Uthejmin]


Cila është dispozita e agjërimit për gruan shtatzënë dhe nënën me fëmijë në gji?

Përgjigje:
Grave shtatzëna dhe nënave me fëmijë në gji, iu lejohet ta prishin
agjërimin nëse frikësohen për ndonjë pasojë negative në shëndetin e
fëmijëve të tyre si: pakësimi i ushqimit dhe i vitaminave etj., me të
cilat ushqehet foshnja në barkun e nënës.
Nëse
çështja është kështu, atëherë ato kanë të drejtë ta prishin agjërimin
dhe detyrohen t’i shlyejnë këto ditë në një kohë tjetër dhe krahas
kësaj ta ushqejnë një të varfër për çdo ditë të paagjëruar.
Mirëpo,
nëse ato frikësohen për shëndetin e tyre personal, atëherë ato mund ta
prishin agjërimin dhe ta shlyejnë agjërim në një kohë tjetër dhe nuk
detyrohen me ushqimin e një të varfëri.
Pro,
kjo është e tëra mbi dispozitën e agjërimit për gruan shtatzënë dhe
nënën me fëmijë në gji. Allahu, subhanehu ue teala, thotë: “Agjërimi
zgjat disa ditë, por, nëse ndonjëri prej jush është i sëmurë ose duke
udhëtuar, le të agjërojë aq ditë sa i ka prishur në ditët e tjera pas.
Ata që kanë vështirësi për të agjëruar, duhet të ushqejnë si shpagim
nga një të varfër për çdo ditë agjërimi. E, nëse ndonjëri jep më shumë
se kaq, kjo është edhe më mirë për të. Por, agjërimi juaj është më i
dobishëm, në qoftë se e dini..” (El-Bekare 184)

[Hoxhë: Salih El-Feuzan]

Përgatiti dhe përktheu:
Abdyl Fuga
11 Shtator 2007 marre nga www.ankebut.com