Palm xhumeria – oazë e re për t pasurit

21.07.2007 14:58




Palm
Xhumerinë e përbënë hapësira dy kilometra e gjatë në formë të trungut,
si dhe pjesa e dytë që është e dizajnuar në formë të kurorës me 17
degë.

Rreth 110 metra kub dhe, dhe shtatë milion tonë gurë
janë shpenzuar për këtë konstruksion masiv i cili do të dyfishoj
bregdetin e Dubait.
Edhe pse i tërë projekti ende nuk është kryer
– njerëzit e pasur nga tërë bota kanë filluar të blejnë shtëpitë që
janë në ndërtim e sipër. Kështu kanë vepruar yjet e njohura si: Dejvid
Bekami, Majkëll Oveni, Ralf Shumaheri, Bred Piti, Majkëll Xheksoni etj.


Turistët, gjithashtu për çdo ditë inspektojnë rreth e rrotull
ndërtimet duke shikuar modelet dhe planet e vilave. Mbi 1. 500 objekte
janë shitur vetëm për 72 orë gjatë ofertës së parë. Shpërnguljet e para
për në këtë vend kanë filluar gjatë vitit 2006. Secilit objekt i takon
pjesa e veçantë e plazhit në ishull e cila mundët të përdoret për
pushim gjatë tërë vitit.

Manal Sahini, drejtorë i shitjes dhe
marketingut në Nakhil, kompani e cila ndërton objektet në ishull, thotë
se vetëm 67 kilometra e bregdetit në Dubai ishte e detyruar t'i pranojë
të gjitha zinxhirët hoteliere dhe se ndërtimi i ishullit artificial me
plazhet shtesë janë treguar jashtëzakonisht atraktive për blerësit e
pasur.

Ishujt artificial natyrisht se nuk janë pa probleme.
Skeptikët thonë se shtëpitë janë vetëm tri metra lartësi mbidetare,
ndërsa ndërtuesit pohojnë se konstruksioni mundet pa problem t'i bëjë
ballë valëve me lartësi deri në katër metra.

Në mesin e atyre
që kundërshtojnë ndërtimin e ishujve artificial janë shoqatat e
ekologëve të cilët tërheqin vërejtjen se në këtë mënyrë shkatërrohen
shkëmbinjtë koral dhe jeta në mjedisin ujorë. Përkundër kësaj ndërtimi
vazhdon pa ndërprerë.

Sa
për përkujtim, asociacioni i parë kur përmendet Dubai është pasuria.
Është shumë vështirë të paramendosh se para më pak se një shekull ky
emirat ishte një fshat i shkapërderdhur në shkretëtirë i populluar nga
fiset beduinë.
Ngritjen e jashtëzakonshme ekonomike e ka filluar
me zbulimin e naftës në vitin 1966. Kjo ka shpejtuar zhvillimin dhe ka
siguruar mirëqenien. Mirëpo, përkundër faktit se fushat e naftës do të
mbushin arkën nacionale së paku edhe 50 vitet e ardhshme, njerëzit
drejtues të këtij shteti kanë vendosur të marrin parasysh edhe sektorët
tjerë shërbyes dhe industrial, e para së gjithash zhvillimin e turizmit
elitarë.
Turizmi është veprimtaria e cila do të jetë primare kur
një ditë do të thahen rezervat e naftës. Dubai qysh tani është i njohur
me hotelin Buruxh el – Arab, më luksozi dhe i vetmi me shtatë yje në
botë, si dhe me ishujt e tij artificial.
I vendosur në mes Evropës
dhe Azisë, në bregdetin jugorë të Gadishullit Arabik, Dubai është bërë
margaritarë në majën e Emirateve të Bashkuara Arabe të formuara në
vitin 1971, pas tërheqjes së Britanikëve nga Gjiri.
Dubai ka 1,4
milion banorë, prej të cilëve 70%janë të huaj, shumica nga Azia, por
edhe nga Evropa lindore dhe perëndimore, të cilët në Emirate kanë
biznesin dhe firmat e veta.
Dubai nuk ka qendër të vërtet të
qytetit, me çerdhen dhe sheshin e vjetër, ngase çdo pjesë e qytetit ka
qendër jashtëzakonisht luksoze dhe të pasur, me shopin qendra ku
zhvillohet e tërë jeta shoqërore.
Çdo vit në fillim të janarit
fillon festivali i shopingut të madh që zgjatë një muaj, gjatë të cilit
çmimet e kreatorëve të mëdhenj zbriten edhe deri në 80 %.
Kjo
gjithashtu është koha e festave të mëdha, tërheqjeve shpërblyese të
shufrave të arit, jaguarit teknikës … dhe aksioneve krahas këtyre: nëse
bleni banesë në kuartin e ri fitoni BMW si dhuratë, apo, nëse bleni
apartmanin fitoni porshe kabriolet. Sigurisht se këto nuk janë ofertat
e vetme të jashtëzakonshme.

Përktheu nga boshnjakishtja: Nexhmedin Ademi

www.islambosna.ba